الرئيسية / الأدوية النفسية / خدعوك نفسياً فقالوا: “الأدوية النفسية بتعمل إدمان”

خدعوك نفسياً فقالوا: “الأدوية النفسية بتعمل إدمان”

من الأفكار الشهيرة جداً عند ناس كتير أن أي دوا نفسي ممكن يسبب إدمان للمريض اللي بياخد ومش هيقدر يوقفه بعد كده،
والفكر “الغلط جداً دي” للأسف مش بس موجود عند غير المتخصيين لكن بنلاقي بعض الأطباء والصيادلة بيرددوا نفس الكلام. وللأسف الفكرة دي بتمنع مرضى في حاجة ضرورية للعلاج الدوائي النفسي أنهم ياخدو العلاج أو ممكن تخللي مريض اتحسن على العلاج يوقفه من نفسه من بدري علشان خايف يدمنه.
علشان الأمر يكون مفهوم وواضح فالإدوية النفسية بنقسمها لأربع مجموعات:
1-مضادات الإكتئاب
2-مضادات الذهان
3-مثبتات المزاج
4-مجموعة المهدئات (البنزودايازبينات)

والترتيب اللي أنا ذكرته دا للترقيم وبرضه حسب درجة اعتمادنا –كأطباء نفسيين- على الأدوية… بمعنى أن المجموعة الأولى اللي هي مضادات الإكتئاب هي الأكثر شيوعاً لأنها حسب خواصها الكميائية مش بس بتستخدم في علاج الإكتئاب لكنها بتستخدم كمان في علاج إضطرابات القلق (زي إضطراب القلق العام وإضطراب الوسواس القهري وإضطراب الهلع وإضطراب الفوبيا) وعلشان الإضطرابات دي هي الأكثر شيوعاً هي والإكتئاب فبطبيعة الحال إعتمادنا عليها هو الأساس…

مفيش دواء مضاد إكتئاب أو مثبت مزاج أو مضاد ذهان ممكن يسبب إدمان حتى لو المريض فضل ياخدة 20 سنة
مجموعة الأدوية اللي ممكن لو استخدمت لفترات طويلة وبدون اشراف طبي ممكن فعلاً تسبب إدمان هي المجموعة الأخيرة اللي اسمها البنذوديازبينات (المهدئات وهي دي بس اللي اسمها مهدئات إي حاجة تانية من الأدوية النفسية مش مهدئات) وإدمانها مش بيحصل إلا لو استخدمت لمدة طويلة وبجرعات غيرة منظبطة وبالطبع اللي يعرف الجرعة المناسبة والمدة المناسبة هو الطبيب النفسي، ولحسن الحظ فإن استخدامها بيكون في أضيق الحدود والأطباء النفسيين بيستعملوها بحرص وتنبيه وعند الحاجة الطبية الشديدية ليها.

ســؤال: طيب ليه لما وقفت الدوا ممكن يرجعلي التعب تاني؟
الإجابة: لو دا حصل فمعنى رجوع الأعراض بعد وقف الدوا أن جسمك كان لسه في حاجة للدوا وأن فترة العلاج لم تكتمل بعد…. زي اللي وقف دوا الحرارة قبل ما حرارته بطبيعتها تتظبط فالمتوقع ان حرارته هترفع تاني لو وقف الدوا ودا مش معناه انه بقى مدمن لخافض الحرارة.
حابب أقولك أن الأدوية النفسية لا بتعمل تعود ولا إدمان
وإن الفكرة دي مغلوطة تماماً واسأل عن الدوا اللي يعرف الدوا كويس مش مجرد حد عنده فكرة عن سطحية وقديييييمة عن الدوا النفسي.
اللي بينصحك ويقولك الدوا هيعملك إدمان غالباً بيحبك ويحبلك الخير لكن معلوماته مش لازم بالضرورة تكون صحيحة
وية النفسية بتعمل إدمان

عن د.محمد حسين

دكتور محمد حسين؛ مؤسس موقع نفسي دوت نت. استشاري الطب النفسي وعلاج الإدمان والطب النفسي للأطفال والمراهقين. عضو الجمعية المصرية للطب النفسي. عضو الجمعية المصرية للعلاج المعرفي السلوكي. عضو الجمعية المصرية للطب النفسي للأطفال والمراهقين.

ابحث في

فقدان الشهية العصبى

اضطراب يتسم بأنه سلوك متعمد لانقاص الوزن ورفض الثبات على الحد الأدنى للوزن والخوف الشديد من …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *